ಲಾಲಿಪಾಪ್ ಮತ್ತು ಇತರ ಕಥೆಗಳು(ಹರಿಕಿರಣ್. ಹೆಚ್) - Lollypop Mattu Itara Kathegalu(Harikiran H)

ಪ್ರಕಾಶಕರು : ನಿಮ್ಮ ಪುಸ್ತಕ ಪಬ್ಲಿಕೇಶನ್ಸ್ಪ್ರಕೃತಿಯ ಮಡಿಲಲ್ಲಿ ಬದುಕುವ ಮನುಷ್ಯ ತನ್ನ ಸುತ್ತಲಿನ ಪ್ರಕೃತಿಯ ಜೊತೆಗೆ ಒಂದು ರೀತಿಯ ಆದರ, ಪ್ರೀತಿ ಹೊಂದಿರುತ್ತಾನೆ. ತನ್ನ ಜೀವನಕ್ಕೆ ಸಹಾಯಕಾರಿಯಾಗುವ ದನ, ಎಮ್ಮೆ, ನಾಯಿ.. ಅಷ್ಟೇ ಏಕೆ ಮರಗಳ ಮೇಲೆಯೂ ಅಕ್ಕರೆ ಹೊಂದುತ್ತಾನೆ. ಪರಸ್ಪರ ಅವಲಂಬನದಿಂದ ಒಂದು ರೀತಿಯ ಅವಿನಾಭಾವ ಸಂಬಂಧ ಮೂಡುತ್ತದೆ. ಗಡಿನಾಡು ಕುಂಬಳೆಯ, ೧೯೮೦ ರ ದಶಕದ ಗ್ರಾಮೀಣ ಚಿತ್ರಣದೊಂದಿಗೆ, ಇಂತಹ ಸಂಬಂಧವನ್ನು ಪುಷ್ಟೀಕರಿಸುವ ಹಲವಾರು ಸತ್ಯಘಟನೆಗಳ ಆಧಾರಿತ ಚಿತ್ರಣವೇ ಈ ಕಥಾ ಸರಣಿ . ಓದಿರಿ, ಎಳೆಯನೊಬ್ಬನ ದೃಷ್ಟಿಕೋನದೊಂದಿಗೆ ಮೂಡಿದ ಸರಳ ಭಾಷೆಯ, ಗ್ರಾಮೀಣ ಸೊಗಡಿನ , ತಿಳಿ ಹಾಸ್ಯ ಲೇಪಿತ ಕಥಾ ಸರಣಿ "ಗೋವು, ಮಹಿಷಿ ಮತ್ತು ಮಹಾವೃಕ್ಷ "..

ಕುರುಕ್ಷೇತ್ರ ಯುದ್ಧವಾದಾಗ ವಿಕರ್ಣ ತನ್ನ ಅಣ್ಣನ ಪರವಾಗಿಯೇ ಯುದ್ಧಕ್ಕೆ ನಿಲ್ಲುತ್ತಾನೆ. ಸುಮಾರು ೧೪ ದಿನಗಳ ಕಾಲ ಪಾಂಡವರ ವಿರುದ್ಧ ವೀರೋಚಿತವಾಗಿ ಯುದ್ಧ ಮಾಡುತ್ತಾನೆ. ಅವನ ಯುಧ್ಧ ಸಾಮರ್ಥ್ಯವನ್ನು ಭೀಷ್ಮ, ದ್ರೋಣರು ತುಂಬಾ ಮೆಚ್ಚುತ್ತಾರೆ. ಹದಿನಾಲ್ಕನೇ ದಿನ ಭೀಮ ವಿಕರ್ಣನಿಗೆ ಎದುರಾಗುತ್ತಾನೆ. ವಿಕರ್ಣನಲ್ಲಿ ಧರ್ಮವಿದೆ ಎಂದು ತಿಳಿದಿದ್ದ ಭೀಮ ಅವನಿಗೆ ಯುದ್ಧ ಬಿಟ್ಟು ಹೋಗು, ನಿನಗೆ ಜೀವದಾನ ನೀಡುತ್ತೇನೆ ಎಂದು ತಿಳಿಸುತ್ತಾನೆ. ಆದರೆ ನಾನು ನನ್ನ ಅಣ್ಣನಾದ ದುರ್ಯೋಧನನನ್ನು ಬಿಡಲು ತಯಾರಿಲ್ಲ ಎನ್ನುತ್ತಾನೆ. ಆಗ ಭೀಮ ನೀನು ಧರ್ಮದ ಪರವಾಗಿದ್ದಿ ಅವನು ಅಧರ್ಮಿ ಆದರೂ ನೀನು ಯಾಕೆ ಅವನನ್ನು ಬೆಂಬಲಿಸುತ್ತಿ? ಎಂದಾಗ ವಿಕರ್ಣ ಹೇಳುತ್ತಾನೆ ಅವನು ನನ್ನ ಅಣ್ಣ. ಅಣ್ಣ ಎಂಥವನೇ ಆಗಲಿ ಧರ್ಮ ನನಗೆ ನನ್ನ ಅಣ್ಣನಿಗೆ ಸಹಾಯ ಮಾಡಲು ಹೇಳುತ್ತದೆ. ಆದುದರಿಂದ ನನ್ನ ಕೊನೆಯುಸಿರು ಇರುವವರೆಗೆ ನಾನು ನಿನ್ನ ಎದುರು ಕಾದಾಡುವೆ. ಯಾವಾಗ ಶ್ರೀಕೃಷ್ಣ ನಿಮ್ಮ ಪಕ್ಷದಲ್ಲಿದ್ದಾರೆಯೋ ಆಗ ನಿಮಗೆ ಜಯ ಶತಸಿದ್ಧ. ಆದರೂ ನಿನ್ನನ್ನು ಎದುರಿಸುತ್ತೇನೆ ಭೀಮ, ಎಂದು ಭೀಮನ ಮೇಲೆ ಗಧಾಪ್ರಹಾರ ಮಾಡುತ್ತಾನೆ. ವಿಕರ್ಣ ಹಾಗೂ ಭೀಮನ ನಡುವೆ ಗಧಾ ಯುದ್ಧ ನಡೆದು ಭೀಮ ವಿಕರ್ಣನನ್ನು ಕೊಲ್ಲುತ್ತಾನೆ. ವಿಕರ್ಣನ ಸಾವು ಭೀಮನಲ್ಲೂ ತುಂಬಾ ವೇದನೆ ತರುತ್ತದೆ. ಅಧರ್ಮದ ಪಕ್ಷದಲ್ಲಿ ಧರ್ಮ ಇದ್ದರೂ ಅದು ಪರಾಜಯವೇ ಕಾಣುತ್ತದೆ ಎಂದು ತಿಳಿದುಕೊಳ್ಳುತ್ತಾನೆ ಭೀಮ.ಮಹಾಭಾರತದ ಕೆಲವು ಅಪರೂಪದ ಸಂಗತಿಗಳನ್ನು ತಿಳಿಸುವ ಒಂದು ವಿಶಿಷ್ಟ ಪುಸ್ತಕ..

ಹತ್ತನೆಯ ತರಗತಿಯ ವಿದ್ಯಾರ್ಥಿಯೊಬ್ಬನ ಜೀವನದ ಮಹತ್ತರ ತಿರುವಿನ ವಿಶಿಷ್ಟ ಕಥೆನ್ಯೂಟನ್ ನ ಮೇಲೆ ಕೂತು ಕಿಟ್ಟಿ ಹರಸಾಹಸಪಟ್ಟು ಪ್ರಣವ್ ನ ಸ್ಕೂಟರನ್ನು ಹಿಂಬಾಲಿಸುತ್ತಿದ್ದ. “ಲೇ, ಪ್ರಣವ್ ಸ್ವಲ್ಪ ಸ್ಲೋ ಆಗಿ ಹೋಗಲ್ಲೆ... ಪೆಡಲ್ ತುಳಿದು ತುಳಿದು ಸುಸ್ತಾಗ್ತಾ ಇದೆ,” ಕಿಶೋರ್ ಕಿರುಚಿ ಹೇಳಿದ.“ಎಲ್ಲಿ ಕರ್ಕೊಂಡು ಹೋಗ್ತೀನಿ ಅಂದ್ರೆ, ಇನ್ನು ಸುಸ್ತು ಅನ್ನೋ ಪದವೇ ನಿನ್ನ ತಲೆಯಿಂದ ಹೊರಟು ಹೋಗತ್ತೆ ನೋಡು,” ಸ್ಕೂಟರ್ ನಿಧಾನಿಸುತ್ತಾ ಪ್ರಣವ್ ಅಂದ.“ಹೌದಾ? ಎಲ್ಲಿಗೋ ನಮ್ಮ ಪಯಣ?” ಹಿಂದುಗಡೆ ಕುಳಿತಿದ್ದ ಸುರೇಂದ್ರ ಆತುರದಿಂದ ಕೇಳಿದ. ಪ್ರಣವ್ ಅವರನ್ನು ಆನೆಕುಪ್ಪೆಯ ಹೊರರಸ್ತೆಗೆ ಕರೆದು ತಂದು, ಅಲ್ಲಿ ಎಡ, ಬಲ, ಎಡ, ಬಲ ತಿರುಗಿ ತಿರುಗಿ, ಕಷ್ಟಕರವಾದ ಹಾದಿಯಲ್ಲಿ ಕರೆದೊಯ್ದು, ಒಂದು ಹಾಳು ಬಿದ್ದ ಶೆಡ್ ಬಳಿ ಬಂದ. “ಯಾರಿದ್ದಾರೋ ಇಲ್ಲಿ?” ಕಿಶೋರ್ ಕೇಳಿದ. ಸ್ಕೂಟರ್ ಸ್ಟ್ಯಾಂಡ್ ಹಾಕಿ ಪ್ರಣವ್ ಒಮ್ಮೆ ತನ್ನ ಇಬ್ಬರೂ ಗೆಳೆಯರನ್ನು ದಿಟ್ಟಿಸಿದ.“ಪರೀಕ್ಷೆ ಹತ್ರ ಬರ್ತಾ ಇದೆ ಅಲ್ವಾ?” ಪ್ರಣವ್ ಕೇಳಿದ.“ಅದಕ್ಕೆ?” ಕಿಶೋರ್ ಪ್ರಶ್ನೆ.“ನಮ್ಮ ಜ್ಞಾಪಕ ಶಕ್ತಿ ಹೆಚ್ಚಿಸುವ ಡ್ರಗ್ ಒಂದು ಹೊಸದಾಗಿ ಮಾರ್ಕೆಟ್ ಗೆ ಬಂದಿದೆಯಂತೆ! ಟ್ರೈ ಮಾಡೋಣ್ವಾ?” ಪ್ರಣವ್ ಕೇಳಿದ.“ಏನೋ ಡ್ರಗ್ಸಾ? ಯಪ್ಪಾ... ನೀನು ಡ್ರಗ್ಸ್ ತಗೋತಿಯಾ?” ಕಿಶೋರ್ ಆಶ್ಚರ್ಯದಿಂದ ಕೇಳಿದ...